كلمات أغنية الذاهبة (خالد عبد الرحمن )

كلمات أغنية الذاهبة (خالد عبد الرحمن )

الله اللي راد والعقده قضاها اللي عقدهــا

لا على الدنيا السلام ولا لباقي العمر زينه

الفضا ما كنه الى خيمة طاحت عمدهــا

والفرح ما كنه الى شيخ انقصت يدينه

والعمر قطعة زجاج انكسرت ولا طال امدهــا

والعرب في العيد بدموع اليتامى مستهينه

والشوارع لفها ثوب الظلام اللي هجدهــا

والبيوت اطلال من عقب المحبه والسكينه

والشتا والليل والبرد والسما يصرخ رعدهــا

والعيون اللي ورا الشباك مذعوره حزينه

طولوا في الكهف الأصحاب وبقت روحي وحدهــا

كنها في كوكب ثاني خلا من ساكنينه

الوداع اللي بعلم العين يعبر من رمدهــا

والوداع اللي بلا علم القفا الصدري غبينه

والوداع اللي بلا رجعه عليّ أمر وأدهــا

والله انه غرغرة سم وسكاكين سنينه

والعنود اللي جفيت الناس والدنيا بعدهــا

مدت الفرقا لغاليها وهي تعطي الثمينه

وينها كيف اتركتني ؟ ليه ماجت في وعدهــا ؟

والقمر لا طل خابرها تجي بيني وبينه

رحت انادي واتلمس في مهب الريح يدهــا

كني احصان بلا صاحب طوى البيدا حنينه

رحت أصيح الصبح وينه ؟ والعرب ما رد احدهــا

ما سمعت إلا صدى صوتي يقول الصبح وينه ؟

كنهم من يوم ذيك الشمس غابت عن بلدهــا

طلعوني في النفود وصكوا ابواب المدينه

كنهم من يوم ذيك الذاهبه محد وجدهــا

كل رجال من الشرهه قلع في الدرب عينه

أثرها ماتت وماتت كل فرحه في مهدهــا

والربيع اقفت به اللي كانت التاج لجبينه

جاورت عقب الحدايق حفرة مقسى لحدهــا

حفرة ماني مصدق كيف ضمت يا سمينه

للحزن فيني مثل ما لطهاره في جسدهــا

ويش اسوي لا فتشت اللي لها وسط الخزينه ؟

زخربت حلم وبنت له مسكن وسمت ولدهــا

آآه لو غرد ولدها في خميلة والدينه

عاهدتني وظفرت بيمين أقوى من عهدهــا

والصبي لا خير فيه كان ما نفذ يمينه

ما تتقى عن رثاها عرق أقتض بشهدهــا

ولا تبقى خلف قضبان الجفن عذراء سجينه

كيف عند العالم ايام العزاء محصى عددهــا ؟

ولا انا طالت شهوره والله اعلم كم سنينه

لا الثرى فيها نبات ولا المشي خفف نكدهــا

لا السما فيها طيور ولا البحر يمه سفينه

لا القمر هذا مساه ولا العصي هذا رغدهــا

لا الزهر هذا شذاه ولا الذهب هذا رنينه

قالوا الشيخ الفلاني مرجع القوم وسندهــا

قال يبشر با العوض والعلم جينا ناقلينه

ساق لك بدر البدور اللي نشدها من نشدهــا

جادل هزت عروش وخيبة روس ذهيله

قسمها في رسمها في جسمها الافي رشدهــا

واسمها انجال الغضب قومه على الالسن رطينه

أترك الناي وعطية شيخنا غنى لسعدهــا

وانبسط يا عم ونسى اللي ورى التربه دفينه

قلت ولصدري تناهيد تروع من شهدهــا

آآه وا ويلاه من يجذب على قلبي ضنينه

خلوا اغلى ذاهبه ترعى ربيع اللي فقدهــا

والعطا راعيه محدن صوبه الله لا يهينه

لو ظمنت الجنه تفاحة القلب وشهدهــا

قلت من بكره عسا مجنونها تاقف سنينه

ساعد في نشر والارتقاء بنا عبر مشاركة رأيك في الفيس بوك

المصدر: شبكة ومنتديات همس الأطلال شبكة ومنتديات همس الأطلال Network Forum whispered ruins - من قسم: أطلال العَرُوض و القافية ، وقناديل من صفحات الشعراء .

---

;glhj Hykdm hg`hifm (ohg] uf] hgvplk )

الله الله

كلمات رووعة وربي

يعطيك الف عافية ابو ذكرى

مشكور أختي دلع على المرور والرد

تريني أنا إلي أعطيته الكلمات ( فيس تعجب !!! )

وأنا إلي عطيته إلي لحنتها له ( فيس واحد ماهو مصدق )

وأنا إلي غنيتها ( عاد هاذي ما تمشي !!!! )

نضحك مثلاً
الله ياعطيك العافيه

ابوذكرى
اشكرك اخوي على روعة ماطرحته
كلمات قمة في الروعه
لاخلى ولاعدم
ودمت ودام ابداعك وتميزك
وبانتظارجديدك القادم
والله يعطيك العافيه

مشكور أخوي أسير الصمت على المرور وهذا شرف لي

أما أنت يا أبو نايف إذا تبغى تضحك أضحك ما أحد مسكك أما إذا تبغى تبكي رح عن الوالد وجب معك سلك وإلا عصا وقفي ..... ( هههههههههههههههههههههههههه)

تحياتي لكم

موضوع جميل
يعطيك العافية

تحياتي

مشكور خلدون على المرور