في دنيت هذي تعلمت حاجات

في دنيت هذي تعلمت حاجات

بسم الله الرحمــن الرحيم

في دنيتـي هـذي تعلمـت حاجـات
هاكم بعض ما فادنـي بـه زمانـي



مااتبع اللـي صـد عنـي بلحظـات
ولا ارخص اللي بالمحبـه شرانـي


واذا رحلت ارحـل بعـزه وبسكـات
ما رد صاع اللـي بغـدره كوانـي


اما أجي كلي شعـوري مـع الـذات
أو ابتعد كـن مـا عطيتـه حنانـي


عرفت ان المحبة فعـلاً مقامـات
امـا مؤبـد او يُـعـوّض بثـانـي


عرفت ان اصعـب وفـا بالأمانـات
يومي عطيت القلب شخص ونساني


في دنيتي ذقـت النكـد والمسـرات
اسعدنـي اللـي بالمهالـك رمانـي


اقوى الطعون اللي تجي بالخيانـات
لاصرت مجني وأغلى انسان جانـي


اللي ضحكلي شلت عنـه الملامـات
ياللأسـف حمّلتهـا مـن بكـانـي


لكن هذي الدنيـا تجـارب وغلطـات
خطـا عملتـه ولصوابـي هدآنـي


عرفت كيف اضوي دروب المتاهات
عرفت كيف القاصي يكـون دانـي


لأجل الأمل بسعـى فكـل المجـالات
مـا ضيّـع الأمـال غيرالتـوانـي


لو مات امل عندي اباقـول مامـات
أفرح به أكثر يـوم احققـه عانـي


في كل اموري راح اعيد الحسابـات
أحرم واضاعف بالعطا من عطاني


حرّمت اعاشر من يطيع الوشايـات
حرّمـت اخـاوي واحـد ٍ مابغانـي


حرّمت اصدق كلمةٍ ما لهـا اثبـات
حرّمت وصلي مايجي مـن جفانـي


ان صد عني شخص جـا بالبدايـات
ما عاد اجيه ان راد يعـرف مكانـي


تعبت اجامل واكتم بصـدري آهـات
اضحك وقلبـي جمـرة ٍ بالمحانـي

ساعد في نشر والارتقاء بنا عبر مشاركة رأيك في الفيس بوك

المصدر: شبكة ومنتديات همس الأطلال شبكة ومنتديات همس الأطلال Network Forum whispered ruins - من قسم: أطلال العَرُوض و القافية ، وقناديل من صفحات الشعراء .

---

td ]kdj i`d juglj ph[hj

اقتباس حرّمت اعاشر من يطيع الوشايـات حرّمـت اخـاوي واحـد ٍ مابغانـي

يعطيك العافيه على النقل الجميل اخوي

لكَ مني كل التحايا
..
تقبل مروري