[ بطاطس محشي ]

[ بطاطس محشي ]

نجيب بطاطس حجمه يكون وسط أو كبير ( عشان يسهل علينا سالفة الحفر من داخل )

طبعا البطاطس لازم كلهم يكونون تقريبا نفس حجم بعض عشان ياخذون نفس الوقت بالطبخ

نبدا نقشر البطاطس ..

ونقطع جزء بسيط من الجزء العلوي للبطاطس ( مدري فهمتو علي او لا ) ونحتفظ فيه

وبعدين /

( بالبدايه عشان نسوي التجويف الدائري الأفضل نستخدم هذي )

قضينا من التحفير الحين نقوم نسوي الحشوه

نحط اللحم بقدر ع النار لين تنشف مويته

ونضيف عليه بصله كبيره مقطعه مكعبات صغيره وفص ثوم مفروم

ونضيف ملح ونقلبهم لما يذبل وبعدها ,

ونضيف لهم البهارات وفلفل اسود وبابريكا وممكن نضيف مكعب ماجي ونحركهم

وبعدها نخلط بالخلاط :

(طماط مقشر _ وحده بس _ مع شوية كزبره مع نص حبه فليفه )

ونضيفه بعد مانخلطه ع اللحم ,

ونحركه ونضيف عليه 4 ملاعق كبيره صلصة طماطم

ونضيف فلفل حار ( مانقطعه .. نضيفه كامل )

ونخليها ع النار لما تستوي ,

بعدين نخليه يبرد شوي عشان نقدر نحشيه

ونحشي البطاطس فيه ( بحيث ان احنا نضغط بقوه شوي بعد كل مره نحشي فيها عشان ماتصير فاضيه من داخل بعدين )

ونقفله بالنهايه بالقطعه اللي خليناها من البطاطس عشان مايطلع اللحم لبرا

الحين نسوي المرق حقه

نجيب طماط ونقطعه لقطع متوسطه

ونجيب بصله متوسطه ونقطعها شرايح طويله

ونحطها بقدر ع النار مع شوية زيت وبعدما مايذبل نضيف الطماط ونخليه لما يذبل
ونحط عيه نص علبة صلصة طماطم وكزبره مفرومه ونقلبهم شوي
بعدها نحط تقريبا 4 كاسات ماي مع ملعقتين عصير ليمون
ونخليه يغلي

لما يغلي نضيف البطاطس ..

ونخليه يطبخ
نشيك عليه كل شوي عشان لو حسينا ان الماي بدا ينشف نضيف له ماي زياده
ونخليه لما يستوي البطاطس ( نغرس السكين او شوكه عشان نتأكد من استواء البطاطس )

ونقدمه






مما راق لي

دمتم بحفظ الرحمن
ساعد في نشر والارتقاء بنا عبر مشاركة رأيك في الفيس بوك

المصدر: شبكة ومنتديات همس الأطلال شبكة ومنتديات همس الأطلال Network Forum whispered ruins - من قسم: مطبخ همس الأطلال .

---

F f'h's lpad D

همووووسه
اشكرك اختي على روعة ماطرحيته
انتقاء جميل
وبارك الله في جهودك
ودمت ودام ابداعك وتميزك
وبانتظارجديدك القادم
وعساك على القوه
والله يعطيك العافيه

منوور يا اسير الصمت

الوصفه جدا رائعه
الله يعطيك العافيه هموسة
مودتي

يسسسلمو على مروك سعيده جداً