فتاه تتكلم مع واحد ع الايميل

فتاه تتكلم مع واحد ع الايميل

هذي قصه بنت اسمها سارا مدمنه على النت وكانت ماتسكر النت إلا الساعه 1 بالليل
في يوم من الأيام اضافها واحد ومسمي حاله ( الامبرطور ) المهم مر اسبوع وهي ودها تعرف مين هذا
بعد ثلاثه ايام دخل هو الماسنجر وشافته طبعا انبسطت عشان بتفتح تحقيق
الامبراطور:هاي
سوسو : من انت
سوسو :: ومن وين عرفت ايميلي وش حقه اضفتني ومين اعطاك الايميل...الخ
الامبراطور :: بسم الله شوي علي
سوسو : سلامتك ماني صارعتك يالله بسرعه جاوب
الامبراطور : ليش انتي بنت
سوسو : أي عندك مانع
الامبراطور : لا بس انا غلطان اختي لاني كنت بضيف صديقي وطلع الايميل غلط
سوسو : وليش تغلط عمي ماتشوف
الامبراطور : اختي قلنا آسف عن الغلط من البدايه ماسكتها تحقيق معي
سوسو : اجل تضيف بنات الناس وماتبغا حد يحقق معك والله شباب فاضي ماعندة سالفه
الامبراطور : اقول اختي فرصه سعيدة وآآسف مرة ثانيه وممكن انك تحذفيني او تحضريني اذا مش عاجبك الوضع
سوسو : يعني ايش تقصد
الامبراطور : اقصد مع الف سلامه
سوسو : ليش ما اعتقد كلامي يزعل
الامبراطور : لا بس انا مشغول شوي باي
سوسو : لحظه لحظه
الامبراطور : هلا تآمرين بشي
سوسو :لا سلامتك بس ماقلتلي ايش اسمك
الامبراطور : هههه ليش مهم
سوسو : وليش الضحكه ما اعتقد كلامي يضحك
الامبراطور : لا ابدا لاكن كلامك بالبدايه غير وهذا غير
سوسو : طيب آسفه على السؤال باي
الامبراطور : باي
وضلت سارا حاقدة عليه لانه استفزها وما اعطاها وجه
ومر يومين وماشافته بالنت طبعا مدة طويله لوحدة طول وقتها بالنت
المهم لما دخل على الماسنجر على طول هي الي بدت الكلام
سوسو : مرحبا
الامبراطور : مراحب
سوسو : كيف الحال
الامبراطور : بخير
وبعد صمت طويل
سوسو : آسفه الظاهر انك مشغول وانا عطلتك
الامبراطور : لا ابدا حبي لا كن انا اشتغل على البحث حقي وما ادخل الماسنجر كثير
سوسو : وشو حبك حبتك القرادة قول انشاء الله
الامبراطور : وش فيك انقلبتي
سوسو : بس بأي صفه تقول حبي
سوسو : الشرهه على الي يكلمك مش عليك
الامبراطور : سوري آنا آسف وحقك علي
سوسو : سوري ولا لبناني مايهم وهذي آخر مرة تقول ذا الكلام
الامبراطور : طيب ياصاحبه السمو اوعدك ما اعيدها
سوسو : الـــله عجبتني كلمه صاحبه السمو كذا الكلام والا بلاش
الامبراطور : خلاص من اليوم ورايح راح اناديك صاحبه السمو وش تبغين اكثر من كذا
سوسو : طيب انا ايش اناديك
الامبراطور : هههههه حلو ذكائك انا ناديني باسمي خالد
سوسو : واااو اسمك جنان حلو مررة حلو مش مثلي طاح حظي
الامبراطور : كل واحد اسمه حلو ولايق عليه
سوسو : ليش مش حاب تعرف ايش اسمي
الامبراطور : على راحتك اذا حابه تقولي قولي واذا مش حابه اكتفي بصاحبه السمو
سوسو : طيب كم عمرك شكلك مش كبير
الامبراطور : عمري 25 سنه
سوسو : العمر كله بس صغير
سوسو : على فكرة انا اسمي سارا وعمري 18
سوسو : اقول وش رايك انا معي شله بنات نضيفهم بالمحادثه وندردش
الامبراطور : لالا انا مثل ماقلتلك عندي بحث ولازم اخلصه
الامبراطور : باي
سوسو : براحتك باي
وضلت سارا دوم تفكر فيه وبعدها ضل لمدة ثلاثه شهور مايدخل النت
البنت جنت وقالت اكيد شافله شوفه ثانيه
وضلت تفكر فيه لاكنها كانت تقول دوم هو غير الشباب الي بالنت هو غيرهم كلهم واحد ثقيل
مايهمه البنات كثير
وبعد اسبوع....
الامبراطور : يامساء الخير والاحساس والطيبه
سوسو : اهلين وينك يالقاطع
الامبراطور : سلامتك لاكن الاختبارات ماترحم وهذي آخر سنه لي
سوسو : الله يوفقك
الامبراطور : وحشتيني مووت
سوسو : انت اكثر
الامبراطور : صدق تتكلمين ؟ ما اعتقد
سوسو : والله ما اقدر على فرقاك جد اتكلم شوفلك صرفه
الامبراطور : خلاص انا عند حل يرضي كلا الطرفين
سوسو : ايش هو ؟
الامبراطور : ايش رايك اعطيك رقم جوالي واذا حبيتي تشوفيني بالنت او وحشتك مثل ماتقولين ارسلي بس رساله لي
سوسو : نعم نعم نعم لا منت صاحي ولا تفكر بيوم اني مثل البنات الي انت تكلمهم انا بنت ناس ومتربيه وو .....
الامبراطور : والنعم لاكن انا ماقلت بكلمك قلت ارسلي رساله و يصير خير
سوسو : خلاص غير الموضوع بسرعه
الامبراطور : اوكي لا كن هذا رقمي اذا حبيتي تشوفيني مرة ثانيه بالنت ارسلي بس رساله ××××××××
سوسو : طيب باي
الامبراطور : باي
طبعا سارا اخذت موقف من خالد لاكنها ولشدة فضولها سجلت الرقم
المهم بعد كم يوم اشتاقت تكلمه او بالاخص عندها موضوع حبت تقوله عنه
فكرت وفكرت ايش تسوي او كيف تشوفه بالنت
فقالت لنفسها : ليش ما ارسله رساله مثل ماقال هو مابيكلمني ولا انا راح اكلمه
المهم كتبت برسالتها (( خالد معليش لو سمحت تدخل النت ضروري ))
المشكله انه مارد عليها
مرت نص ساعه على ذا الوضع
انقهرت البنت وارسلت رساله (( معليش آسفه على الازعاج ))
وكرهت نفسها بعد هذا الموقف انها تصورت انه مطنشها
وبعد ايام (( شافته بالنت ولا كلمته وضلت على هذا الوضع ربع ساعه ))
ملت وتنازلت انها هي الي تبدأ بالكلام
سوسو : السلام عليكم
الامبراطور : هلا والله
سوسو : لو سمحت احذفني من عندك وما عاد اشوف رقعت وجهك بالماسنجر
الامبراطور : اللهم سكنهم ايش الي صار
سوسو : بعد الحركه الي سويتها معي ماودي اكلمك او حتى اشوفك بالقروب حقي
الامبراطور : ليش لاسمح الله انا ايش سويت
سوسو : لا انت برئ ماتسوي شي
سوسو : بس طنشتني وانا كنت محتاجه لك ذاك اليوم
الامبراطور : اي يوم
سوسو : اقصد الرسايل الي ارسلتها لك لاتستهبل خويلد
الامبراطور : آآآة تقصدين حقت النت
سوسو : أي هي ليش مادخلت النت او حتى قلت انك مشغول
الامبراطور : لا عمري انتي فهمتي غلط انا افتكرته واحد من العيال مطلع رقم جديد
سوسو : لا بس انا آسفه وهذي آخر مرة كانت لحظه طيش
الامبراطور : عمري لاتقولي هذا الكلام وثاني شي انتي قلتي انك ماتبغين الرقم آخر مرة شفتك فيها
سوسو : طيب قلتلك انسى الموضوع
الامبراطور : طيب ايش هو الموضوع المهم الي كنتي تبغين تقولينه
سوسو : خلاص ماله داعي
الامبراطور : بتقولين ولا كيف ؟؟؟؟ تراني عصبت
سوسو : كل مافي الموضوع ان انا خطبني محمد ولد عمي طيب، وانا ما احبه ولا اطيق اشوف رقعت وجهه
واهلي موافقين كلهم واخاف ارفض وعمي يزعل من بابا
الامبراطور : والمطلوب
سوسو : انصحني
الامبراطور : شوفي انا ماني سريع بالكتابه
يعني راح اتصل عليكي واقولك رايي لان الموضوع باين عليه طويل
سوسو : لااااااااا مجنون انت
الامبراطور : يابنت الناس ماني ماكلك وثاني شي انتي لاتتكلمين انا بس الي راح اتكلم اوكي
سوسو : وبعد تفكير طيب لاكن انا مابقول ولا كلمه
الامبراطور : زين
بعد ثواني
تررررن ( نغمه راشد )
خالد : الوو مرحبا
سارا :...... (صامته البنت تستحي)
خالد : طيب قولي مرحبا انا كذا ما اعرف اكلمك وانتي ساكته يعني كأني مجنون اكلم نفسي
سارا : (( بلا شعور )) لا سلامتك
خالد : الله يسلملي هالصوت الحلو
سارا : (( لاتعليق ))
خالد : اوكي ماراح اطول عليكي انتي قلتي انك ماتحبينه ممكن اعرف السبب
سارا : ضروري تعرف
خالد : اكيد عشان اقولك رايي
سارا : (( سارا طبعا بلا شعور )) لانه واحد معقد وتافهه وماعندة سالفه
خالد : يمه منك كذا على طول خليتيه معقد ؟ اكيد في سبب
سارا : لا بس من طريقه كلامه واسلوبه وثاني شي شايف عمرة مدري على ايش كأنه مافي حد درس جامعه غيرة
خالد : يعني المثقف عندك معقد او مغرور
خالد : انا طيب مهتم بدراستي فوق ماتتصورين
سارا : لاااااا عاد انت غير
خالد : من أي ناحيه
سارا : كلك على بعضك حلو
خالد : احم احم
خالد : كله من ذوقك يا عسل
سارا : تسلم (قالتها بكل خجل )
خالد : المهم اذا كنتي لهذي الدرجه ماتحبينه خلاص ارفضي والي يصير يصير
سارا : طيب ممكن طلب
خالد : آمري
سارا : ممكن ترسلي صورتك
خالد :هههههه لا طبعا
سارا : طيب آسفه
خالد : لا عمري لاتزعلين لاكن انا من جد مش وسيم واخاف تنصدمين
سارا :طيب اوصفلي نفسك
خالد : احم احم طبعا اناقصير اسمر شعري كشه على قولكم انتوا البنات
سارا :ههههههههه أيش دعوه
خالد :طيب هذا ابن عمك حلو
سارا : ياي يجنن تخيل طويل وابيض عيونه عسليه وشعرة ناعم مثل جواد العلي
خالد : هههههه هذا الي قاطع قالبكم يالبنات جواد وطقته
سارا : لا بس ماشاء الله عليه كثير وسيم يمكن احلى مني بعد
خالد :ليش انتي مش حلوة
سارا : لا قمر واحلى من القمر بعد لا كن انا متواضعه
خالد : هههههه واضح متواضعه
سارا : اووو خالد الساعه 2 الوقت سرقنا وانا عندي بكرة مدرسه
خالد : اوكي عمري ما اطول عليك لاكن بكرة بس اجلس الصباح راح ادق عليكي اوكي
سارا : اوكي مع السلامه
خالد : تصبحين على خير
جلست سارا الصبا ح وهي متأخرة على الدوام
وطبعا اعطوها حرمان من الحصه الاولى
جلست بالساحه تفكر بخالد وفجأة رن الجوال ( نغمه راشد )
خالد : الو
سارا : الوووو
خالد : يسعد لي هالصباح
سارا : هلا والله الطيب عند ذكرة
خالد : ماشاء الله كنتي تفكرين فيني ولا كلام بس
سارا : انت ايش شايف
خالد : ماقلتيلي ماعندك درس الحين
سارا : لا عندي بس حرموني منها لاني رحت متأخر
خالد : اوووف ماعاش من يزعل عمري
وضلت سارا وخالد على هذا الحال كل يوم تكلمه ولاتفوت أي شي الا وتقوله له
ورجع في يوم من الايام ولد عمها وتقدم لها للخطبه
لا كن اهلها هذي المرة غصبوها على الموافقه
ووافقت بعد تردد وتفكيرطويل
واتصل خالد : الووو عمري كيف الحال
سارا : هلا حياتي كيفك
خالد : تمام
سارا : خالد بقولك على شي متعبني
خالد : ايش هو لايكون تعبانه او مريضه
سارا : لا حياتي لا كن ولد عمي رجع خطبني مرة ثانيه واهلي غصبوني عليه
خالد : طيب ( يعني ايش )
سارا : يعني انا وافقت عليه وصار خطيبي وبعد اسبوع كتب كتابي عليه
خالد : طيب تحبين اخطبك
سارا : انت تتمسخر ( تقولها وهي تبكي )
خالد : لاعمري لاكن ليه تبكين
سارا : لانك آخر واحد فكرت انه يتمسخر علي
خالد : طيب اقولك على سري الي ماقلته لحد قبلك
سارا : ايش هو
خالد : انا كمان خاطب بنت قرايبنا
سارا :ايش !!!!!وليه ماقلتلي؟ لهذي الدرجه انا رخيصه ووو...
خالد : انتي وش فيك صبر علي
خالد : آة وعلى فكرة اسمها سارا وعمرها 18 وهي بنت ولا كل البنات
سارا : ايش تقصد ؟
خالد : اقصد ياعمري انا اسمي محمد ولسه متخرج وخاطب بنت عمي سوسو
سارا : (بدون شعور سكرت بوجهه السماعه )
المهم بعد ماعقد قرانهم اجا عشان يشوفها ويجلس معها
هي كانت تبكي وتقوله ليش سويت كذا فيني حرام عليك
قالها لانك كنتي ماتحبيني وخليتك تحبيني غصب صح
قالتله : صح
وتبادلو الضحكات
وعاشوا حياة سعيده

مــــلطـــــووووش لعيـــــوونــكم

اتمـــنى ان تنــاال إعجـــاابكـــم

تحيـــــااتـــي

ساعد في نشر والارتقاء بنا عبر مشاركة رأيك في الفيس بوك

المصدر: شبكة ومنتديات همس الأطلال شبكة ومنتديات همس الأطلال Network Forum whispered ruins - من قسم: أطلال الحكاية ( يحكى أن. )

---

tjhi jj;gl lu ,hp] u hghdldg

قصه مررررررررررررررره حلووووووووووووه
تسلم أيدك أحلى قصه قريتها في حياتي
الله يعطيكي الف عافيه يارب..

لكي مني خالص تحياتي..

{مغرمة وطني}

أنتوا يالبنات أنتبهوا من الماسنجر لأنه مهو زين للبنات يمكن تقولين أنك تكلمين بنت وهو أصلاً مهو بنت أنه رجال بس أنه يسوي فيها بنت وهو خاين

قصة مرره حلوه
ونفس الوقت تنبه البنت اللي تحب تدردش
على الماسنجر والا اين كان
وماتدري هو بنت ولا ولد
يمكن يجي ولد ويلعب بعقلها
مشكوووره على القصه الحلوه

تقبلي مروري وتحياتي

مغرمة وطني
ابوذكر ى
عاشقة وطني
كلمكم صحيح بس انا جاني اضافه من واحد في المنتدى بدون ذكر اسماء هو عارف نفسه بس انا ليش ما اضافته راح يسئل ليه ايش السبب لاني لا اريد كرامتي تنزل في الارض مع كذا انتو يارجال يا عاقلين في بنات في عمرى ويجي الرجال او الولد يسواف ويقوال عادي وهي تقوال والله عادي رجال ما اعرفه انتو فاهمين قصدي هذا الكلام مسؤول عني يوم القيامه يوم لاينفع نفس الامن قابل الله بقلب سليم
يعطيكم الله الف عافيه شكر لك يا ابو ذكرى على النتبيه صرحه كلامه جميل وانتن يا مغرمة وطني ويا عاشقة وطني الله يسعدكم ويوقفكم في الدراسه
تحياتي

من السهل ان تطرد جيش دخل وطنك ومن الصعب الهرب من واحد غبي عرف اميلك ..........
تحياتي لكم
في انتظار ردوودكم مما راق لي
هموسه

عادي سوي لك إيميل جديد وليش التهرب

هموسه
الله يعطيك الف عافيه على القصه
الحلوه بارك الله فيك وفي جهودك
تقبلى تحياتي وحبي

ابو ذكرى
هههههههههه
يعطيك العافيه على مرررورك الحلو
تحياتي لك
هموسه

عشقي وطني
الله يعفيك ويسلمك ياارب ...
الله يعطيك العافيه جزاك الله خير ....
يسلمو على مررورك الجميال ....
تحياتي لك
هموسه