خذت عبره من حياتي

خذت عبره من حياتي

آه يا سامع مصابي ..عن غرامٍ ما رحمّني..
اسمع الأبيات مني وافتهم شرح المعاني


بشتكي لك عن حبيبٍ ..شاغلٍ فكري وظني..
كان يوعدني ويخلف..دون هالعالم بغاني..


للأسف اخلف وعوده..وياكثر ماهو جرحني..
ماقدر يفهم فؤادي وماقدرت اعرف مكاني..


ضقت من كثر التجاهل..ومن كثر ماهو طعني..
ماتوانى عن عذابي..دوم بإخلاص وتفاني..


اتعبتني هالجروح..وهالعذاب.. وهالتجني..
ليش احس اني لوحدي بس أنا منّه أعاني..


مشكله يعرف مكانه..وانه اغلى من سكني..
هو هدية هالزمان..وهو حياتي هو كياني..


مسكنه داخل فؤادي..بأطيب إحساسه ملكني..
ما يهمني من عذلني.. عن وداده أو نهاني..


غايتي نظرة عيونه..وحده بس اللي شغلني..
مايعوضني بديله..ولامناتي بشخص ثاني..


بأعلى صوتي قمت أصرخ ..والله انه صار مني..
في غرامه ذاب قلبي ..يوم قال إنّه هواني..


خذت عبره من حياتي..عمره مافاد التمني..
غير انا وش هي حياتي..كلّها آمال وأماني..


ليت قلبه حس فيني..ليت بيده ماطعني..
ليته بكل اشتياقه حس فيني واحتواني..


ليته بس لو يوم واحد..يدري كم مره جرحني..
ليته يفهم عن شعوري..ليته يفهم هالمعاني..

ساعد في نشر والارتقاء بنا عبر مشاركة رأيك في الفيس بوك

المصدر: شبكة ومنتديات همس الأطلال شبكة ومنتديات همس الأطلال Network Forum whispered ruins - من قسم: أطلال القلم وشذرات الحرف والكَلِـــمْ .

---

o`j ufvi lk pdhjd

سلمت أناملكـ
ولا عدمناجمال ابداعكـ
دائماً مواضيعكـ مميزهـ
بارك الله فيك
بانتظار المزيد منابداعاتكـ

ابو مشاري

أج ــمل وأرق باقات ورودى
لردك الجميل ومرورك العطر
تــ ح ــياتيـ لكــ