حياة الملوخية

الملوخية , حياة

حياة الملوخية

أسعد يوشوش أبوه يبغى هدية
ما شاء الله نجح وأتخرج من الثانوية
أبشر يا ولدي بس تجي فلوس الإكرامية
ولا يهمك يبويا ما في مشكلة حصبر شوية
يا واد عباس إيشبها كدا رجلك ملوية
دخلت فيها قزازة يبويا من العصرية
تاني مرة فتح عينك لا أخرملك هيه
ولا أشوفكم تلعبوا حفايا ترى تاكلكم التكرونية
بدرية .. يبويا فين حتودينا هادي الصيفية
والله يا بنتي كالعادة الطايف حي البخارية
الله يسعدك يبويا نبغى أبها البهية ..
يا بنتي أبها بعيدة مرررررة وسفرية
خلاص اللي تشوفو يا أغلى أب في الدنيا ديه
بنت يا علوية ناوليني الكمر حقي والسديرية
أنا خارج دحين يا خيرية رايح الشامية
أودي صك الوقف حق بيت السليمانية
خلي الأولاد يسبقوني للحرم تحت المكبرية ..
عشان نصلي العشا ونكسب الفرض سوية
بعد العشا وفي السطوح عند المشربية
خيرية تفت العيش في الحليب وبدرية مسلقحة متحنية
هاتي يا علوية الجبنة البلدي والحلاوة الطحينية
وكمان كم بيضة نسوي شكشوكة في الصينية
لمة حلوة وظريفة وعيلة عفوية
أتعشوا وعليهم بالخير يدوروا عالناموسية
عشان يصحو بدري مع أدان الفجرية
لا سهر لا كسل يومهم كله نشاط وحيوية
فينك يا أيام زمان تشوفي حالنا والفوضجية
ما نعرف راسنا من رجلنا وحياتنا سارت ملوخية
ساعد في نشر والارتقاء بنا عبر مشاركة رأيك في الفيس بوك

المصدر: شبكة ومنتديات همس الأطلال شبكة ومنتديات همس الأطلال Network Forum whispered ruins - من قسم: أطلال العَرُوض و القافية ، وقناديل من صفحات الشعراء .

---

pdhm hglg,odm

[. تَنّآهِيدْ ألَمْ .]...
بارك الله في جهودك
وشكراً جزيلاً لك على هذا الموضوع القيم .

يا حلو لهجه أهل مكه وجده
تعجبني كثيير
يسلموو ابله فتوو

روووعه صراحه
الله يسلم الايادي يارب
لا خلا ولا عدم

ـروووووووووووعه تسلم الأيااادِي ُ .. ..