بحة الناي الحزينة

بحة الناي الحزينة

قمت اغني للحزن واشعل زقاره
قمت اراقص بحة الناي الحزينة
قمت اعزف والمحاني له قيثاره
صوت عزفي زلزل ابواب المدينة
سلفوني صبر لو هو استعاره
لين تهدأ ثورة احساس الغبينه
من رحل واسدل من غيابه ستاره
كسّر ضلوع الوصل قطّع وتينه
حتى خمسي متقنه فنّ الاشاره
ماعرفت إلا أحبه ثمّ وينه ؟!
هو ظلام الحزن متلبس نهاره !
من جروح الليل وهمومٍ ثخينه !
شف دموع العين تمطرنا بغزاره
شف شظايا القلب بـ أوجاعِ دفينه !
جيت ابجبر كسر قلبي وانفطآره
جيت بنسى والوعد لآح بـ يمينه
جيت امشي بسكته واسرع قطآره
تصرخ جروحي آفا عادك تبينه !
صرت أنا لليل والأحزان جآره
ويش اسوي لاصرخ فيني حنينه
انتظآر القلب يعني احتضاره
يزفر الشهقات (يتعالى ونينه)
حتى أحبه كنت انحتها بحجاره
تنزف ايديني لجل تشعر ايدينه
نبض طفله ممتلي حب وطهاره
كنت يمه كنت لعيونه رهينه
حتى بيت الطين عجّل في دمآره
ماحفظ ايامنا وماضي سنينه
رحت ادور بين طياته غبآره
احتبس همّ بمحاجر محترينه !
ثوب حزني انقطع منه زِراره
وجهِ همه معتلي هامة جبينه
واشعل بجوفي لهيبه أوهي نآره
احرقت ضلعين كانت له سكينه !
واتجرع من ظلم هجره مراره
فاقد الاحساس من يقدر يدينه
فاقد الاخلاص يعني افتقاره
للوفاء للصدق لـ أشياءٍ ثمينه
لو بدّون للعشق آخر عباره
كلن بيرحل على متن السفينه ..

ساعد في نشر والارتقاء بنا عبر مشاركة رأيك في الفيس بوك

المصدر: شبكة ومنتديات همس الأطلال شبكة ومنتديات همس الأطلال Network Forum whispered ruins - من قسم: أطلال العَرُوض و القافية ، وقناديل من صفحات الشعراء .

---

fpm hgkhd hgp.dkm

ما يكبرني لقب...
شكراً لك على جهودك الطيبة
وعلى هذا الموضوع القيم .
وسنظل ننتظر منك كل جديد مفيد .
مع تمنياتي لك بالتوفيق والسداد

نص عذب واحساس مميز

صح لسانك وسلمت على هذا النبض الجميل ..

ودي وتقديري

صح لسانك وعلا شانك
ابيات في قمة الجمال / الروعه

لنبضك وحسك الراقي

يعطيك العافيه ما يكبرني