ضلوعك لايِـمِـلّـونـي

ضلوعك لايِـمِـلّـونـي

خُلقنا اثنين
تزفرنا الأماني لين
يِمِلّ مْن الأمَل : صدرين
وِصِرنا كْثار ..!!
أكثر من حَطَب / به نار
وأكثر من شَغَب : أبرار
إذا مالت ب طرحتها
وقالت :
من فِراس : آغـار
كِبَرنا .. ماعرَفنا ليش
نِحِب : الفَرفَرَه والطيش
وإذا نادوا أهالينا
نخبّينا بْ كومة خيش
وخبيتك
عن الأنظار / خبيتك
بِ ضلعٍ مايبي غيرك
وإذا صَوّتّ لبّيتك
خُلقنا اثنيـن
أنا ويـن / وإنتـه وين
وسبحان الذي جمّـع
مشاعرنا على : كفّين

عرفتك .. والسما ظلما / تحدّاني
وَلَجتك .. واختلف شكلي ومضموني

أنا من ويـن مـانـاظرتك : ألقاني
كذا كـنّـك مرايـه ظلّهـا : كوني

تسولف لي عن السجان والجاني
وأتمتم لك : عيونك فيك / زجّوني

تناديني .. ويِرجَع لي صدى ثــاني
ك أنّ الغـيم والأشجـار : نادوني

تبي قلبي / وأنا أبغـاك [ تهواني ]
توصّيني : ضلوعك لايِمِلّوني

أبرقى لك مثل مالسُحْب / ترقاني
مثل دعوات مِـن للأرض جابوني

أنا أنثى أجي كلّي بْ أركاني
ولا آبه إذا الأحياء : لاموني

ينام الصبح داخل علبة ألواني
يلوّنـي إلى من تـاه بي لوني

أضيّعني وفي ذاكرتك .. أنساني
وإذا مرّت بك الأشواق / مُرّوني

يَ أغلى من : كل اناس
معاك [ بْ خير ] لاتسألني : وشلوني

أحبك مو على شانك / على شاني
أنا بْدونك .. ك أنّي صرت من دوني

ساعد في نشر والارتقاء بنا عبر مشاركة رأيك في الفيس بوك

المصدر: شبكة ومنتديات همس الأطلال شبكة ومنتديات همس الأطلال Network Forum whispered ruins - من قسم: أطلال العَرُوض و القافية ، وقناديل من صفحات الشعراء .

---

qg,u; ghdAJlAJg~J,kJd

يعطيك العافيه آنسه خرافيه

الله يعآفيك
منووور

الله علييييييكـ
ككلممات راائعه
تسسلم يمنااكـ من ككل ششر
ابــــــــــــدعتي في طرحكـ
طرح جدا رااائع
ودي

يعطيك العافيه طرح جميل
كروعه حضورك
دمتي بهذا النقاء واكثر
تقديري

صح لسانك
دام نبضك

βяέṧţέέĵ βẫήỠţą

الله يسلمك حيآتي
نوورتي . .

أسير زمآنه

الله يعآفيك
منوور

ميلآد فجر

صح بدنك
نوورتي