خُلقنا اثنين
تزفرنا الأماني لين
يِمِلّ مْن الأمَل : صدرين
وِصِرنا كْثار ..!!
أكثر من حَطَب / به نار
وأكثر من شَغَب : أبرار
إذا مالت ب طرحتها
وقالت :
من فِراس : آغـار
كِبَرنا .. ماعرَفنا ليش
نِحِب : الفَرفَرَه والطيش
وإذا نادوا أهالينا
نخبّينا بْ كومة خيش
وخبيتك
عن الأنظار / خبيتك
بِ ضلعٍ مايبي غيرك
وإذا صَوّتّ لبّيتك
خُلقنا اثنيـن
أنا ويـن / وإنتـه وين
وسبحان الذي جمّـع
مشاعرنا على : كفّين

عرفتك .. والسما ظلما / تحدّاني
وَلَجتك .. واختلف شكلي ومضموني

أنا من ويـن مـانـاظرتك : ألقاني
كذا كـنّـك مرايـه ظلّهـا : كوني

تسولف لي عن السجان والجاني
وأتمتم لك : عيونك فيك / زجّوني

تناديني .. ويِرجَع لي صدى ثــاني
ك أنّ الغـيم والأشجـار : نادوني

تبي قلبي / وأنا أبغـاك [ تهواني ]
توصّيني : ضلوعك لايِمِلّوني

أبرقى لك مثل مالسُحْب / ترقاني
مثل دعوات مِـن للأرض جابوني

أنا أنثى أجي كلّي بْ أركاني
ولا آبه إذا الأحياء : لاموني

ينام الصبح داخل علبة ألواني
يلوّنـي إلى من تـاه بي لوني

أضيّعني وفي ذاكرتك .. أنساني
وإذا مرّت بك الأشواق / مُرّوني

يَ أغلى من : كل اناس
معاك [ بْ خير ] لاتسألني : وشلوني

أحبك مو على شانك / على شاني
أنا بْدونك .. ك أنّي صرت من دوني

المصدر: شبكة ومنتديات همس الأطلال شبكة ومنتديات همس الأطلال Network Forum whispered ruins - من قسم: أطلال العَرُوض و القافية ، وقناديل من صفحات الشعراء .