شبكة ومنتديات همس الأطلال Network Forum whispered ruins

يعني عشان إنّا غلابا مساكين

.................... والا عشان إنّا نعاف القطاعة

:

صحيح حنا ما ملكنا ملايين

.................... لكن بحمد الله ملكنا القناعة

:

ننشد ولكن ما تبعنا المقفين

.................... نشتاق لكن كل ابونا مناعة

:

يا اغلى من الخفاق واغلى من العين

.................... واغلى غرامٍ شدني بندفاعة

لك وحشة مدري على ويش ومنين

................... بس اعتقد شوق وحنين بفظاعة

:

مشتاق لك شوق يمر العناوين

....................يفرد على وصل الحبايب شراعه

:

مشتاق لك شوق الندى لرياحين

.................... شوق يهدد خافقي بنتزاعه

:

وين انت محتاجك مابي منك بعدين

.................... عطني من ايام الهنا ربع ساعة

:

من زود حبك كن ايامي اسنين

.................... كنك من اغلى رفقتي والجماعة