شبكة ومنتديات همس الأطلال Network Forum whispered ruins

,,

يا أنا ، خذ بالك الواقع مُخيف . .

توّ عمرك في ربيع العمر توّه

الحسَد والحقد إسلوب الضعيف . .

يعني مو رجّال لكن ، عاش جوّه !

ماهو عيب تنافس مْنافس شريف . .

عيب لا نافست شخص بْلا مروّه

ميّز أعدائك ، وإختار : النظيف . .

لأنه ممكن من بعد هالكره ، خوّه !

فيه شاعر مُبدع وشاعر رصيف . .

وإنتْ فرّق بين ضعف وبين قوّه

من يذمّك لأجل يلقى له حليف . .

إتركه ، وخلّه يعاني في غلوّه !

لا سألته ، كيف حالك ؟ يا خفيف . .

جاوبك : هذا يقول ، وذاك سوّه !

حتى في كذبه على نفسه يضيف . .

داخله { خوّاف } ومن برّا فتوّه !

صاحبي الأشعار من واقع مُخيف . .

الشعر سامي وأنا حضرة سموّه

مدري من سمّاهم الجنس اللطيف . .

ومنّهم كم شخص في عيني تشوّه !